काठमाडौं । देशका केही नदीमा आज आकस्मिक बाढीको सम्भावना छ । ती साना नदीमा आकस्मिक बाढीको मध्यम जोखिम रहने बाढी पूर्वानुमान महाशाखाले जनाएको छ ।

यस दिन ताप्लेजुङ, संखुवासभा, सर्लाही, रौतहट, बारा, पर्सा, मकवानपुर, नवलपरासी (बर्दघाट सुस्ता पूर्व), नवलपरासी (बर्दघाट सुस्ता पश्चिम), पाल्पा, तनहँ, स्याङ्जा, पर्वत, म्याग्दी, बागलुङ, दाङ, रोल्पा, बाँके र बर्दिया भई बहने अधिकांश साना नदीमा बहाव बढ्ने सम्भावना छ । त्यससँगै आकस्मिक बाढीको जोखिम रहने भन्दै महाशाखाले नदीतटीय क्षेत्रमा उच्च सतर्कता अपनाउन सचेत गराएको छ ।

यस्तै, इलाम, तेहथुम, पाँचथर, भोजपुर, उदयपुर, रामेछाप, दोलखा, सिन्धुपाल्चोक, चितवन, लमजुङ, रुपन्देही, कपिलवस्तु, अर्घाखाँची, प्युठान, सल्यान, दैलेख, कैलाली, कञ्चनपुर, डोटी र डडेलधुरा भई बहने साना नदीमा बहाव बढ्ने अनुमान छ ।

महाशाखाका अनुसार, अबका तीन दिन कोसी, नारायणी, कर्णाली र यसका सहायक नदीहरूमा जलसतह उल्लेख्य बढ्दो हुनेछ । वाग्मती, कमला, पूर्वी राप्ती, पश्चिम राप्ती र बबईको जलसतह पनि उल्लेख्य बढ्दो हुने अनुमान छ ।