नयाँ दिल्ली । भारतको नयाँ दिल्लीस्थित इन्दिरा गान्धी अन्तर्राष्ट्रिय विमानस्थलको टर्मिनलको एक छत खसेको छ । समाचार एजेन्सी पीटीआईका अनुसार छत खस्दा ६ जना घाइते भएका छन् । छत गाडी र ट्याक्सीमाथि खस्दा केही मानिस पुरिएको जनाइएको छ ।

दिल्ली फायर विभागलाई घटनाको सूचना दिइएको छ । विभागका चार गाडी उद्धारका लागि त्यहाँ पुगेका छन् । छतका साथै त्यसमा सपोर्ट गर्ने बीम समेत खसेको जनाइएको छ । जसका कारण पिक अप र ड्रप अपका लागि त्यहाँ गएका गाडी क्षतिग्रस्त भएका छन् ।

नागरिक उडड्यनमन्त्री राममोहन नायडुले एक्समा व्यक्तिगत रूपमा उनले घटनालाई हेरिरहेको र घाइतेलाई अस्पताल पठाइएको जनाएका छन् ।
 
दिल्लीको इन्टरनेसनल एयरपोर्ट लिमिटेडका प्रवक्ताले भनेका छन्, “तीव्र वर्षाका कारण बिहान ५ बजे टर्मिनल १ को पुरानो डिपार्चरको बाहिरको छतको  हिस्सा खसेको छ । केही मानिस घाइते भएको खबर छ । सबै पीडितलाई आपतकालीन सेवाअन्तर्गत मद्धत र मेडिकल सेवा उपलब्ध गराइएको छ ।” 

यो घटनाको कारण टर्मिनल १ का सबै उडान अस्थायी रूपमा रोकिएका छन् । सुरक्षाका कारण चेक इन काउन्टर पनि बन्द गरिएको उनले जनाएका छन् ।बीबीसी