काठमाडौं । उदयपुर जिल्लाको सदरमुकाम गाइघाट र आसपासका क्षेत्रमा भारी वर्षा भएको छ । त्रियुगा खोलाको गाइघाट जलमापन केन्द्रमा जलसतहले सतर्कता तह पार गरेको छ । 

जलसतह बढ्दो क्रममा रहेकाे छ । नदीको तटीय क्षेत्र र डुबान भइरहने होचा भू–भागहरूमा रहनेहरूले दिउँसोसम्म सतर्कता अपनाउनु पर्ने जल तथा मौसम विज्ञान विभागले जनाएकाे छ ।

कोसी प्रदेशका केही स्थानमा भारी वर्षा भइरहेको छ ।