काठमाडौं । पञ्चकन्या स्टील प्रा. लि.ले ५०० एक्सडी र ५५० एक्सडी रिबार (फलामे छड) हरूले ‘ग्रिन प्रो’ प्रमाणपत्र प्राप्त गरेका छन् । कम्पनीको वातावरणीय स्थिरता र निर्माण क्षेत्रको उत्कृष्टताप्रतिको प्रतिबद्धताको एक महत्त्वपूर्ण उपलब्धि रूपमा लिइएको छ ।

कन्फेडेरेसन अफ इन्डियन इन्डस्ट्री सीआईआई सोराभजी गोदरेज ग्रीन बिजनेस सेन्टरद्वारा प्रदान गरिएको ‘ग्रिन प्रो’ प्रमाणपत्रले वातावरणीय प्रदूषणका लागि कडा मापदण्ड पूरा गर्ने उत्पादनहरूलाई मान्यता दिन्छ । यो प्रमाणपत्र ग्रहणपश्चात पञ्चकन्या स्टीलको उच्च गुणस्तर र पर्यावरणमैत्री सामग्रीहरू उत्पादन गर्ने प्रतिबद्धतालाई अझ उजागर गर्दछ ।

पञ्चकन्या स्टीलको ५०० एक्सडी र ५५० एक्सडी रिबारहरू भैरहवामा निर्माण हुन्छ । यो प्रमाणपत्रले पञ्चकन्या स्टीलको दिगो निर्माण सामग्रीहरूमा अग्रणीको रूपमा स्थिति अझ बलियो बनाएको छ र यसले नेपालमा हरित क्रान्तिलाई  समर्थन गरेको कम्पनीको बुझाइ छ ।

पञ्चकन्या समूहले नेपालमा स्टील, प्लास्टिक, निर्माण सामग्री र जलविद्युत्‌मा रुचि राख्दै आएको छ ।