काठमाडौं । कुमारी बैंक लिमिटेड र पशुपति रिक्रेसन प्रा.लि.बीच सम्झौता भएको छ । काठमाडौंकाे धुम्बराहीमा रहेकाे पशुपति रिक्रेसनमा कुमारी बैंकका ग्राहकहरूलाई मनोरञ्जनात्मक पार्क उप्स नेपालको गेम कार्ड रिचार्ज गर्दा बोनस प्रदान गर्ने सम्झौता भएको हो ।

यस सम्झौताअनुसार कुमारी बैंकका ग्राहकले ओओपीएसमा उपलब्ध आर्केड, रिडेम्सन, भर्चुअल रियालिटी, सुटिङ, रेसिङ, जिपलाइन, क्लाइम्बिङलगायत इन्डोर र आउटडोर खेलहरू खेल्न कुमारी बैंकको डेबिट/क्रेडिट कार्ड अथवा क्यूआरद्वारा रिर्चाज गर्दा १० प्रतिशत बोनस रिचार्ज प्राप्त गर्न सक्नेछन् ।

यस सुविधाबाट ग्राहकहरूले सहज र गुणस्तरीय सेवा प्राप्त गर्नुका साथै अझ धेरै मनोरञ्जन प्राप्त गर्न सफल भई ग्राहक सन्तुष्टि बढाउन मद्दत गर्नेमा बैंक विश्वस्त रहेको जानकारी दिइएको छ ।

कुमारी बैंकले देशभर रहेका ३०२ शाखा कार्यालय, ३१४ एटीएम, ४९ विस्तारित काउन्टर तथा ५९ शाखा रहित बैंकिङ इकाईमार्फत सेवा दिँदै आएको छ ।