![इंग्ल्यान्डका खेलाडीप्रति जातीय नारा लगाइएको विषयमा यूईएफएले सुरु गर्याे अनुसन्धान](https://12khari.top/uploads/posts/khel-1718694640.jpg)
काठमाडौं । युरो–२०२४ को खेलमा इंग्ल्यान्डका खेलाडीमाथि जातीय नारा लगाइएको विषयमा युरोपेली फुटबल महासंघ (यूईएफए) ले अनुसन्धान सुरू गरेको छ । युरोपेली फुटबलको नियमनकारी निकाय यूईएफएले उक्त घटनाका विषयमा अनुशासनात्मक अनुसन्धान अघि बढाइने जनाएको छ ।
महासंघमा यस घटनाबारे कसले उजुरी गरेको हो भन्ने विषयमा भने हालसम्म कुनै जानकारी सार्वजनिक भएको छैन । तर, अन्तर्राष्ट्रिय सञ्चारमाध्यमहरूले इंग्लिस टिमले उजुरी नगरेको जनाएका छन् ।
आइतबार भएको आफ्नो पहिलो खेलमा इंग्ल्यान्डले सर्वियाविरुद्ध १–० को जित निकालेको थियो । यता, सर्वियन फुटबल संघले भने खेलका बेला विभिन्न वस्तुहरू मैदानमा फालिएको भन्दै यूईएफएमाथि असन्तुष्टि जनाएको छ ।
यसअघि कोसोभो फुटबल संघले पनि यूईएफएमा सर्वियाका समर्थकले ‘राजनीतिक र जातीय सन्देशपूर्ण नारा’ लगाइएको भन्दै उजुरी दर्ता गराएको थियो ।
![Global Ime bank](https://baahrakhari.com/uploads/bigyaapan/30885600.gif)