काठमाडौं । बजाज मोटरसाइकलका निम्ति नेपालको एक मात्र आधिकारिक विक्रेता हंशराज हुलासचन्द एन्ड कम्पनीले पल्सर एन १५० मोटरसाइकल सार्वजनिक गरेको छ । यो मोटरसाइकल भारतमा एक वर्षअघि नै लन्च गरिएको थियो ।

यो स्पोर्टी मोटरसाइकल दैनिक प्रयोग र पावर पफर्मेन्स दुवैका लागि उपयुक्त छ । यसले युवापुस्तालाई आकर्षित गर्ने कम्पनीले जनाएको छ । यसअघि नै बजाजले एन सिरिजमा एन २५० र १६० बजारमा लन्च गरिसकेको छ ।

गोल्छा ग्रुपका निर्देशक अभिमन्यु गोल्छाले नेपालमा लन्च भएदेखि नै पल्सरले मोटरसाइकल क्षेत्रमा नयाँँ मापदण्ड सेट गर्दै आएको बताए । उनले ७० भन्दा बढी देशमा पल्सर सर्वाधिक रुचाइएको ब्रान्ड बन्न सफल भएको उल्लेख गरे । पल्सर एन १५० लन्च गरेर नेपालका बजाजप्रेमीलाई अर्को उपहार ल्याएको उनको भनाइ थियो ।

पल्सर एन १५० मा आकर्षक फिचर भनेको ब्लुटुथ कनेक्टिभिटीसहितको कल तथा एसएमएस अलर्ट हो । यूएसबी चार्जिङ पोर्ट पनि यो मोटरसाइकलमा उपलब्ध छ । यसको फ्युल इन्जेक्सन सिस्टम र बीएस ६ ले यो बाइकलाई झनै इफिसियन्ट बनाउने कम्पनीले जनाएको छ ।

पल्सर एन १५० एरोडायनामिक थ्रीडी फ्रन्टसहितको स्लिक डिजाइनमा उपलब्ध छ । यसको मस्कुलर डायनामिक ट्यांकी, पातलो वेस्ट भाग र सिंगल फ्याट सिटले यसको लुकलाई आकर्षक बनाएको छ ।

शक्तिशाली र स्मुथ १४९.६८ सीसी इन्जिनले सुसज्जित पल्सर एन १५० ले १४.५ पीएस पावर र १३.५ एनएम टर्क उत्पन्न गर्छ । यसले ४८ किमिको प्रभावशाली माइलेज पनि दिने कम्पनीले जनाएको छ ।

सुरक्षित राइडलाई लक्षित गर्दै पल्सर एन १५० मा एलईडी प्रोजेक्टर टेलल्याम्प र १७ इन्चको ट्युबलेस अलोय ह्वील पनि राखिएको छ । सुरक्षालाई झनै बलियो बनाउन यसमा सिंगल च्यानल एबीएस पनि समावेश गरिएको छ ।

बजाज एन १५० मा डिजिटल स्पीडोमिटर, ट्याकोमिटर, ट्रिपमिटर र ओडोमिटरसहित धेरै एड्भान्सड फिचर छन् । यसमा यूएसबी चार्जिङसहित घडी र डिस्ट्यान्स्स–टु–एम्प्टी इन्डिकेटकर पनि उपलब्ध छ । यो बाइकमा ‘क्याट’ नोटिफिकेसन र हाइड कनेक्ट एप समेत उपलब्ध हुन्छ ।

यस्तै, बाइकमा सिंगल ट्युब्युलर ह्यान्डल र प्यासेन्जर फुटरेस्टको सुविधा छ ।

मात्र १४५ केजीको कर्ब वेट भएको पल्सर एन १५० चलाउन निकै आरामदायी हुनेछ । यसमा रहेको १४ लिटरको फिउल ट्यांकीले बारम्बार पेट्रोल भर्नुपर्ने समस्याबाट छुटकारा दिनेछ । बाइकको ब्रेकिङ सिस्टममा २६० एमएम फ्रन्ट डिस्क ब्रेक र १३० एमएम रियर ड्रम ब्रेक समावेश छ ।