विराटनगर । कोसी प्रदेश सरकारले वि.सं. २०८२ साललाई पर्यटन वर्ष मनाउने घोषणा गरेको छ ।

आर्थिक मामिला तथा योजनामन्त्री रामबहादुर मगरले शनिबार प्रदेशसभामा आउँदो आर्थिक वर्षको बजेट पेस गर्दै पर्यटन विकास र पर्यटक आकर्षक गर्न पर्यटन वर्ष मनाउने घोषणा गरे । समग्र पर्यटन विकास र प्रचार गर्दै भारतीय तथा तेस्रो देशका पर्यटक आकर्षित गर्ने उद्देश्यसहित पर्यटन वर्ष मनाउने घोषणा गरिएको हो ।

स्थानीय तथा प्रादेशिक आय बढाउन कार्यक्रम गरिने र यसका निम्ति १० करोड रुपैयाँ बजेट विनियोजन गरिएको छ ।

महाकुम्भ मेलास्थल चतरालाई कुम्भनगरी निर्माण गर्ने, राधाकृष्ण रथयात्राका लागि बजेट विनियोजन गरिएको उनले जानकारी गराए ।

पदमार्ग र घरबास कार्यक्रमलाई समेत बढावा दिने मन्त्री मगरले घोषणा गरे ।