काठमाडौं । विशेष अदालतले नविन सुवेदीलाई सम्पत्ति शुद्धीकरण मुद्दामा दोषी ठहर गरेको छ । सुवेदीको सम्पत्ति गैरकानुनी आर्जनबाट भएको भन्दै सम्पत्ति शुद्धीकरण अनुसन्धान विभागको अनुसन्धान प्रतिवेदनबाट विशेष सरकारी वकिलले चलाएको मुद्दामा सुवेदीबाट बिगो र जरिबानासहित दुई करोड ३७ लाख ५४ हजार ४०१ रुपैयाँ असुल हुने फैसला भएको हो । 

विशेष अदालतका न्यायायाधीशहरू अध्यक्ष टेकनारायाण कुँवर र सदस्यहरू रामबहादुर थापा र मुरारीबाबु श्रेष्ठको इजलासले उनलाई तीन वर्ष कैद हुने पनि फैसला गरेको हो । यस्तै उनलाई थप २३ लाख ७५ हजार ५४० रुपैयाँ र तीन महिना १८ दिन सजाय हुने पनि फैसला गरेको छ ।