रोम । जी–७ राष्ट्रहरूको तीन दिने शिखर सम्मेलन आज (बिहीबार)बाट इटालीको अपुलियामा सुरु हुँदै छ । मुख्य एजेन्डा रसियाको विलियन्स डलरको सम्पति सिज गरेर युक्रेनको लागि जुटाउने रहेको छ । 

त्यस्तै, गाजा क्षेत्रको समस्या, आप्रवासन, आर्टिफिसियल इन्टेलिजेन्स (एआई) लगायतका विषय पनि रहेको जनाइएको छ । 

जी–७ मा क्यानडा, फ्रान्स, जर्मनी, इटाली, जापान, बेलायत र अमेरिका समेत सात सदस्य छन् । यसअघि रसिया समेत जी–८ रहेकोमा क्राइमियालाई अपदस्थ गरेपछि उसको सदस्यता निलम्बन गरिएको थियो । अहिले इटाली जी–७ को अध्यक्ष रहेको छ । 

विश्वव्यापी कुल गार्हस्थ उत्पादन (जीडीपी)को ३० प्रतिशत जी–७ राष्ट्रले ओगटेका छन् । अर्जेन्टिनाका राष्ट्रपति जाभियर मिलेइ र भारतका प्रधानमन्त्री नरेन्द्र मोदीलाई अतिथिका रूपमा यससटक निमन्त्रणा गरिएको छ । 

पोपको चिन्ता
इसाई धार्मिक गुरु ८७ वर्षीय पोप फ्रान्सिस पनि पहिलोपटक सहभागी हुँदै छन् । उनको चिन्ता आर्टिफिसियल इन्टेलिजेन्स (एआई)मा पाइएको छ  । पहिला उनले एआईका लागि विश्वव्यापी नियामक निकाय बनाउनुपर्ने जनाएका थिए । नैतिकता र मानवअधिकारका हिसाबले एआई खतरा रहेको उनको भनाइ छ ।