![बजेटमा प्याज र आलुको भ्याट हटाउँदा गृहिणीहरू खुसी भएका छन् : सांसद झा](https://12khari.top/uploads/posts/Ranju-kumari-Jha-(1)-1717320050.jpg)
काठमाडौं । जसपा सांसद रञ्जुकुमारी झाले जनकपुरलाई विवाह र लुम्बिनीलई वर्थिङ हब बनाउने बजेटको घोषणाले पर्यटन मात्र हैन कुटनीतिक सम्बन्ध पनि राम्रो बन्ने भन्दै यसलाई कार्यान्वयनमा जोड दिएकी छन् ।
आइतबारको प्रतिनिधिसभाको बैठकमा आगामी आर्थिक वर्षको बजेटमाथिको सैद्धान्तिक छलफलमा बोल्दै उनले भौतिकतामा मात्र होइन अध्यात्मतिर पनि ध्यान दिन अनुरोध गरिन् । उनले सन्तुलित बजेट आएको बताइन् । उनले पाँच उद्देश्य बजेटको रूपान्तरणका लागि उपयुक्त भएको बताइन् ।
उनले गाँजा खेतीले ग्रीन टुरिजम बढ्ने, मेडिसिन र हिलिङ टुरिजम बन्ने भएकाले कानुन बनाउन अनुरोध गरिन् । आईटी हब बनाउने संकल्प बजेटको राम्रो पक्ष भएको उनले बताइन् । साथै उनले ट्याक्स रिलेटेड नयाँ पहलहरू पनि राम्रो भएको उल्लेख गरिन् ।
“प्याज र आलूको भ्याट हटाउँदा गृहीणीहरु खुसी भएका छन्,” उनले भनिन् । राम राजा सिंह स्वास्थ्य विज्ञान प्रतिष्ठान र गजेन्द्र नारायण सिंह अस्पताललाई बजेट छुट्याउँदा राम्रो भएको बताइन् ।
उनले चुरेपीडितका विषयमा बजेटले धेरै सम्बोधन गर्न नसकेको उल्लेख गरिन् । दिलीप महतोलाई पर्यावरण सहिद घोषणा गर्न बजेट आवश्यक भएको बताइन् ।