काठमाडौं । नेकपा (एकीकृत समाजवादी)काे १०औँ महाधिवेशनमा दुईहजार प्रतिनिधि रहने भएका छन् ।

आइतबार बानेश्वरमा आयाेजित पत्रकार सम्मेलनमा पार्टीका महासचिव घनश्याम भुसालले 'दक्षिणपन्थी यथास्थितिवादको विरोध गरौँ, समाजवादको दिशामा अघि बढौँ' भन्ने नाराका साथ महाधिवेशन आयोजना गर्न लागिएको जानकारी दिए ।

महाधिवेशन असार १६ देखि २० गतेसम्म काठमाडौंमा आयोजना हुने तय भएको छ ।

विशेषगरी रोजगारी र सुशासनलाई राजनीतिको प्रमुख मुद्दा बनाउनुपर्ने क्षेत्रमा सकारात्मक हस्तक्षेपको संकल्पका साथ महाधिवेश आयोजना गर्न लागिएको एकीकृत समाजवादीले जनाएको छ ।