काठमाडौं । बिर्ख विश्वकर्माको स्वरमा नयाँ गीत सार्वजनिक भएको छ । ‘उनी त मेरै हुनेवाली हुन्...’ बोलको गीत आज काठमाडौंमा एक कार्यक्रम आयोजना गरेर सार्वजनिक गरिएको हो । 

गीतमा स्वर बिर्खसँगै प्रविशा अधिकारीको छ । अवल सुनारको शब्दरचना रहेको गीतमा संगीत पनि बिर्ख स्वयंको छ । 

कार्यक्रममा गीतको म्युजिक भिडियो पनि सार्वजनिक गरिएको थियो । म्युजिक भिडियोमा अग्रज तथा लोकप्रिय कलाकारको अभिनय छ । भिडियोमा मिथिला शर्मा, दीपाश्री निरौला, रमेश उप्रेती, निर्मल शर्मालगायत कलाकार फिचर्ड छन् । 

गम्भीर विष्टको कोरियोग्राफी रहेको भिडियो हरि हुमागाईंले खिचेका छन् । भिडियो निर्देशन दीपाश्री निरौला आफैँले गरेकी छन् । भिडियोमा गायक तथा सर्जक बिर्ख विश्वकर्माको स्वास्थ्यलाभको कामना गर्दै आर्थिक सहयोग पनि हस्तान्तरण गरिएको छ ।