![अदालतले मानेन केजरीवाललाई थप जमानत दिन](https://12khari.top/uploads/posts/Arvinda-Kejariwal-1711038928.jpg)
नयाँ दिल्ली । भारतको सर्वोच्च अदालतले नयाँ दिल्लीका मुख्यमन्त्री अरबिन्द केजरीवालको अन्तरिम जमानत बढाउने याचिकालाई इन्कार गरेको छ ।
कानुनी मामिलामा रिपोर्ट गर्ने वेबसाइट लाइभ ल का अनुसार सर्वोच्च अदालतले भनेको छ, “गिरफ्तारीको चुनौती दिने याचिकाको फैसला सुरक्षित छ । यो एक्सटेन्सन याचिकाको मुख्य याचिकासँग कुनै सम्बन्ध छैन ।’
केजरीवाल दिल्लीको रद्द भइसकेको मदिरा नीतिमा जोडिएको मनी लाउन्डरिङ केसमा अन्तरिम जमानतका कारण थुना बाहिर रहेका छन् । उनको जमानत जुन १ बाट सकिँदैछ ।
केजरीवालले सर्वोच्चको याचिका दायर गरेर लोकसभा चुनावको क्रममा प्रचार गर्नका लागि अन्तरिम जमानत मागेको थियो । मे १० को सर्वोच्चको अन्तरिम जमानत मिलेपछि उनी तिहाडबाट बाहिर आएका हुन् । उनलाई २१ मार्चमा गिरफ्तार गरिएको थियो । बीबीसी