काठमाडौं । राष्ट्रिय स्वतन्त्र पार्टी (रास्वपा)का उपाध्यक्ष तथा सांसद स्वर्णिम वाग्लेले आगामी आर्थिक वर्षका लागि सरकारले खर्च पूर्ति गर्न लिने भनिएको ऋण खतराको सूचक हुन सक्ने बताएका छन् । मंगलबार आगामी वर्षको बजेटको बारेमा प्रतिक्रिया दिँदै संसद् भवन बाहिर सांसद वाग्लेले यस्तो बताएका हुन् ।

“आय र व्ययको अनुपात मध्य पथमा छ । राजस्व अझै बढी महत्त्वकांक्षी भएको हुन्थ्यो । लोनमा यो हदसम्मको आश्रय चाहिँ अलिकति खतरनाकको सूचक हो कि भन्ने मलाई लागेको छ,” उनले भने, “तर, यो १८६० अर्ब नै खर्च नहोला । त्यो मात्रामा आन्तरिक लोन नउठाउनु पर्ला भन्ने हिसाबले पनि अनुमान गरिएको हुन सक्दछ । ग्रोथ जेनेरेक्टिङ सेक्टरको प्राथमिकीकरण राम्रो छ ।”

मन्त्रालयगत कार्यक्रम पनि राम्रो रहेको उनले प्रतिक्रिया दिएका छन् । कार्यान्वयनका लागि अर्थमन्त्री र विभागीय मन्त्रीहरूलाई झकझकाउनुपर्ने पनि उनले बताए ।