देश
![नेपाली सेनालाई प्रविधियुक्त बनाइने, रक्षा मन्त्रालयलाई ५९ अर्ब ८७ करोड बजेट](https://12khari.top/uploads/posts/Barshman-pun.2-1716892877.jpg)
काठमाडौं । रक्षा मन्त्रालयलाई आगामी आर्थिक वर्ष २०८१/०८२ को लागि ५९ अर्ब ८७ करोड रुपैयाँ बजेट विनियोजन गरिएको छ । अर्थमन्त्री वर्षमान पुनले मंगलबार संसद्मा आगामी आर्थिक वर्षको बजेट प्रस्तुत गर्दै उक्त जानकारी दिएका हुन् ।
आगामी आर्थिक वर्ष नेपाली सेनालाई प्रविधियुक्त, दक्ष र व्यवसायी बनाउने लक्ष्य राखिएको उनले जनाए । आगामी वर्ष नेपाली सेनाको बंकर टु ब्यारेक कार्यक्रमको लागि एक अर्ब ५० करोड रुपैयाँ रकम बजेट छुट्टयाइएको उनले बताए ।
“राष्ट्रिय सुरक्षा नीतिको प्रभावकारी कार्यन्वयन गरिनेछ,” अर्थमन्त्री पुनले जनाए । आगामी आर्थिक वर्ष नेपाली सेनाले सञ्चालन गरिरहेको राष्ट्रिय सेवा दल कार्यक्रमलाई स्थानीय तहसम्म लैजाने पनि उनले बताए ।
प्रकाशित मिति: मंगलबार, जेठ १५, २०८१ १६:४६
प्रतिक्रिया दिनुहोस्