नयाँ दिल्ली । भारतको छत्तीसगढको माओवादी प्रभावित नारायणपुरमा सुरक्षाबलसँगको मुठभेडमा आठ संदीग्ध माओवादी मारिएको प्रहरीले दाबी गरेको छ । प्रहरीको सर्च अपरेसन जारी रहेको र मारिनेको संख्या अझ बढ्न सक्ने जनाइएको छ ।

प्रहरीले बिहीबार बिहान ११ बजेतिर सो क्षेत्रमा अपरेसन सुरु गरेको थियो । बिहीबार प्रहरीसँग दिनभरी नै मुठभेड भएको र सोही क्रममा प्रहरीले राइफल बरामद गरेको हो  । 

सो मुठभेडमा करिब एक हजार जवानले चारैतर्फबाट उक्त स्थललाई घेराबन्दी गरेका थिए । प्रहरीले घटनास्थलबाट टोली आइनसकेकोले क्षतिको पूर्ण विवरण आइनसकेको जनाएको छ । बीबीसी