काठमाडौं । पारामाउन्ट मोटर्सले नेपालमा चिनियाँ वुलिङ ब्रान्डको बिंगो विद्युतीय गाडी सार्वजनिक गरेको छ ।

आइतबार काठमाडौंमा एक कार्यक्रमको आयोजना गरी पारामाउन्ट मोटोर्सले वुलिङ बिंगो नेपालमा सार्वजनिक गरेको हो ।

वुलिङले प्रिमियम ह्याचब्याक सेगमेन्टको यस गाडीको १० लाख युनिट सबैभन्दा छिटो बेच्ने कम्पनी बनेको दाबी गरेको छ ।

गाडीमा ३१.९ किलोवाट आवरको ब्याट्री रहेको छ । यसले ३३३ किलोमिटर रेन्ज दिने कम्पनीले जनाएको छ ।

नेपालमा गाडीको अहिले एउटामात्रै भेरियन्ट ल्याइएको छ । गाडीको सुरुवाती मूल्य ३१ लाख ९९ हजार रुपैयाँ तोकिएको छ ।