काठमाडौं । सनराइजर्स हैदराबाद इन्डियन प्रिमियर लिग (आईपीएल)को प्लेअफमा पुग्ने तेस्रो टिम बनेको छ । बिहीबार गुजरात टाइटन्ससँग हुने तालिका रहेको खेल वर्षाका कारण रद्द भएपछि हैदराबाद १५ अंकसहित प्लेअफमा पुगेको हो ।

हैदराबादले १३ खेलबाट १५ अंक जोडेको छ । त्यो चौथो स्थानको चेन्नाई सुपर किंग्स र पाँचौँको दिल्ली क्यापिटल्सको भन्दा समान एक अंक धेरै हो । १४ खेलबाट १२ अंकको गुजरात भने तालिकाको आठौँ स्थानमा छ ।

प्रतियोगितामा शीर्ष स्थानमा रहँदै कोलकाता नाइट राइडर्सले यसअघि नै प्लेअफमा स्थान बनाइसकेको छ । कोलकाताले १३ खेलबाट १९ अंक जोडेको छ । समान खेलबाट १६ अंकको राजस्थानले पनि प्लेअफमा स्थान बनाइसकेको छ ।

गुजरात टाइटन्स, पञ्जाब किंग्स र मुम्बई इन्डियन्स भने प्रतियोगिताबाट बाहिरिइसकेका छन् ।