काठमाडौं । सफाइ पाएपछि क्रिकेटर सन्दीप लामिछाने उच्च अदालत पाटन पुगेका छन् । फैसला आएलगत्तै उनी उच्च अदालत पुगेका हुन् ।

उनी आफ्ना वकिलसहित अदालत पुगेका हुन् ।

सन्दीपको पक्षमा फैसला आएपछि बाजागाजासहित उनका समर्थकहरूले खुसियाली मनाइरहेका छन् ।

बुधबार उच्च अदालतका न्यायाधीशद्वय सुदर्शन देव भट्ट र अन्जु उप्रेती ढकालको संयुक्त इजलासले जिल्ला अदालतको फैसलालाई बदर गरिदिएको छ ।

बलात्कार मुद्दामा काठमाडौं जिल्ला अदालतबाट गत पुस २५ मा सन्दीपलाई आठ वर्ष कैद र तीन लाख रुपैयाँ जरिवानासहित थप दुई लाख क्षतिपूर्ति हुने फैसला भएको थियो ।

जिल्ला अदालतको फैसलाविरुद्ध सन्दीप उच्च अदालत गएका थिए ।