![कांग्रेस दलको विवादले कोसीमा प्रदेशसभा बैठकमा ढिलाइ](https://12khari.top/uploads/posts/Koshi_sav-1713512866.jpg)
विराटनगर । कोसी प्रदेशसभाको बैठक सञ्चालन हुन ढिलाइ भएको छ । कांग्रेस संसदीय दल बैठक बस्न समय लागेका कारण बैठक सञ्चालनमा ढिलाइ भएको हो ।
कांग्रेस संसदीय दलभित्र बैठक सञ्चालन हुन दिने वा नदिने भन्नेबीच विवाद भएपछि दलको बैठक बस्न समय लागेको हो ।
कोसीमा केदार कार्की आठ सांसदको साथ लिएर नेपालको संविधानको धारा १६८ को उपधारा ५ बमोजिम सरकार गठन भएदेखि नै विवाद थियो । विवाद मिलाउन कांग्रेस केन्द्रीय नेता मीन विश्वकर्मा विराटनगर आइपुगेका छन् । कांग्रेस दलका उपनेता हिमाल कार्कीले भने, “दलको एउटै मत बनाउन केन्द्रीय नेता आउनुभएको हो ।” विश्वकर्माले पार्टीको सन्देश लिएर आएको कार्कीले जानकारी दिए ।
प्रदेशसभा सचिवालयका अनुसार बैठक सञ्चालन गर्न सूचना जारी भएको दुई घण्टाभित्र बस्नुपर्छ । सचिवालयले कार्यव्यवस्था बैठक बसेर दिउँसो पौने १ बजे बैठक सुरु हुने जनाएको छ ।
आज मुख्यमन्त्री हिक्मत कार्कीले विश्वासको मत लिने सूचना सचिवालयमा दर्ता गराएका छन् । उनलाई माओवादी केन्द्र र एकीकृत समाजवादीले पक्षमा मत दिने निर्णय गरिसकेका छन् ।