काठमाडौं । विद्युतीय सवारी निर्माता बीवाईडीको एसिया प्यासिफिक अटो सेल्स डिभिजनका महाप्रबन्धक लिउ जुलियाङले नेपाल भ्रमण गरेका छन् । मे ४ देखि मे ६ सम्म नेपालको भ्रमण गरेका जुलियाङले बीवाईडीको प्रविद्धतालाई थप विश्वस्त पारेको कम्पनीले बताएको छ ।

उनीसँगै गिलियन ली, यात्रुवाहक सवारी कार्यालयका निर्देशक ज्याभी वांग, उत्पादन प्रबन्धक कैसी के, कानुनी प्रबन्धक र डेपुटी महाप्रबन्धक केत्सु झाङ पनि भ्रमण प्रतिनिधिमण्डलमा थिए । लिउ जुलियाङसहितको बीवाईडी टोलीले नक्साल र पुल्चोकमा रहेको सोरुमबाट भ्रमण सुरु गरेको थियो ।

लिउले यी ठाउँमा व्यक्तिगत रूपमा १४ सवारीसाधन पठाएका थिए । त्यसपछि प्रतिनिधिमण्डलले काठमाडौंको गुह्येश्वरीमा रहेको बीवाईडी सर्भिस सेन्टरको भ्रमण गरेको थियो ।

बीवाईडीको नेपालका लागि आधिकारीक वितरक साइमेक्स इंकले आयोजना गरेको बीवाईडी एसिया–प्यासिफिक नेपाल रणनीतिक सम्मेलन एक्सिलिरेटिङ ग्रोथ टुगेदरमा सहभागी हुन टोली नेपाल आएको थियो । मे ५ मा काठमाडौंमा यो सम्मेलनको आयोजना भएको थियो । सम्मेलनमा लिउले बीवाईडीको विस्तारमा नेपालको योगदानको प्रशंसा गरेका छन् ।

भ्रमणका क्रममा प्रधानमन्त्री पुष्पकमल दाहाल ‘प्रचण्ड’सँग लिउ र साइमेक्स इंकका अध्यक्ष अनिल श्रेष्ठ लगायतले भेट र छलफल पनि गरेको कम्पनीले जनाएको छ ।