काठमाडौं । जनता समाजवादी पार्टी (जसपा) नेपालले पार्टी विभाजनको विषयमा कानुनी उपचार खोज्ने भएको छ ।

बालकुमारीस्थित जसपाको पार्टी कार्यालयमा शीर्ष नेताहरूको अनौपचारिक बैठकले कानुनी उपचार खोज्ने निर्णय गरेको पार्टीका प्रवक्ता मनिषकुमार सुमनले जानकारी दिए ।

“भोलि बुधबार पार्टीको बैठक बस्छ । बैठकमा पछिल्लो विकसित घटनाक्रमको समीक्षा गर्दै त्यसको कानुनी उपचारलगायतबारे निर्णय लिइनेछ,” प्रवक्ता सुमनले भने ।

उनका अनुसार बुधबार बिहान पार्टीको केन्द्रीय कार्यकारिणी समितिको बैठक बस्नेछ । बैठकपछि पत्रकार सम्मेलन गरेर पार्टीको आधिकारिक धारणा सार्वजनिक गरिने उनले बताए ।

अशोक राईको नेतृत्वमा सातजना सांसद अलग भई गठन भएको जनता समाजवादी पार्टी सोमबार निर्वाचन आयोगमा दर्ता भएको थियो । रासस