जेरुसेलम । इजरायली सेनाले मंगलबार प्यालेस्टाइन तर्फको रफाह ‘क्रसिङ’ कब्जामा लिएको जनाएको छ । सो क्षेत्र इजिप्टको सीमाबाट गाजा क्षेत्रमा सहयोगका लागि जाने महत्वपूर्ण ‘इन्ट्री प्वाइन्ट’ मानिन्छ । 

एक प्यालेस्टाइन अधिकारीका अनुसार इजरायली ट्यांकद्वारा सो क्षेत्रमा नियन्त्रण गरेपछि दक्षिणी गाजाका सबै गतिविधि ठप्प भएका छन् । सो क्षेत्र मात्र इजरायलको नियन्त्रणमा नरहेको एकमात्र प्रवेश विन्दु रहेको थियो । 

हमासले गएको अक्टोबर ७ मा आक्रमण गरेपछि सो क्षेत्र मानवीय सहयोग भित्र्याउन तथा मानिसको आवतजावतका लागि महत्वपूर्ण विन्दु रहदै आएको थियो ।

सो क्षेत्रको कब्जाका कारण गाजामा मानवीय सहयोगका लागि हुने गतिविधिमा अवरोध हुन सक्ने संयुक्त राष्ट्र संघीय एजेन्सीले एक्समा भनेको छ । दातृ निकायका प्रतिनिधिहरूले गाजा क्षेत्रमा जानका लागि अब कुनै पनि सुरक्षित स्थान नरहेको जनाएका छन् । सीएनएन