site stats
बाह्रखरी :: Baahrakhari
खेल
Global Ime bankGlobal Ime bank
मियामीको जितमा स्वारेजको ह्याट्रिक

काठमाडौं । लुइस स्वारेजको ह्याट्रिकप्रेरित इन्टर मियामीले मेजर लिग सकर (एमएलएस)मा एनवाई रेड बुल्सविरुद्ध ६–२ को सहज जित निकालेको छ ।

आइतबार बिहान भएको खेलमा मियामीलाई जित दिलाउन स्वारेजले ह्याट्रिक गर्दा माटियस रोजासले दुई र कप्तान लियोनल मेसीले एक गोल थपे । रेड बुल्सका डान्टे भाजैर एमिल फोर्सबर्गले गोल फर्काएका थिए ।

खेलमा अग्रता भने रेड बुल्सले बनाएको थियो । डान्टे भाजैरले ३०औँ मिनेटमा गोल गर्दै रेड बुल्सलाई अग्रता दिलाएका थिए । तर, ४८औँ मिनेटमा माटियस रोजासले गोल गर्दै मियामीलाई बराबरीमा फर्काएका थिए ।

५०औँ मिनेटमा मेसीले गोल गर्दै मियामीलाई २–१ को अग्रतामा राखे । ६२औँ मिनेटमा रोजासले दोस्रो गोल गरेपछि मियामीको अग्रता ३–१ मा पुग्यो । ६८औँ मिनेटमा स्वारेजको गोलमा मियामीले अग्रतालाई ४–१ मा पुर्‍यायो । ७५औँ र ८१औँ मिनेटमा गोल गर्दै स्वारेजले ह्याट्रिक गर्दा मियामीले ६–१ को अग्रता बनाएको थियो । इन्ज्युरी समयमा एमिल फोर्सबर्गले रेड बुल्सबाट गोल फर्काए पनि हार टार्न सकेनन् ।

जितसँगै १२ खेलबाट २४ अंक जोडेको मियामी एमएलएस इस्र्टन कन्फेरेन्सको शीर्ष स्थानमा छ । ११ खेलबाट १७ अंकको रेड बुल्स तालिकाको चौथो स्थानमा छ ।

प्रकाशित मिति: आइतबार, वैशाख २३, २०८१  ०९:४५
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro