काठमाडौं । नेकपा (माओवादी केन्द्र)का महासचिव देव गुरुङले अहिलेको अवस्थामा वर्तमान सरकारको विकल्प नभएको बताएका छन् । बुधबार काठमाडौंमा आयोजित एक कार्यक्रममा महासचिव गुरुङले मुलुकको विकास र समृद्धिका लागि वर्तमान सरकारको ध्यान केन्द्रित भएको भन्दै यसको विकल्प नभएको बताए । 

सापेक्षित रूपमा वर्तमान सरकार लामो समय टिक्ने उनको भनाइ छ । सरकारमा रहेका घटकहरु न्यूनतम साझा कार्यक्रम र एजेण्डामा दृढताका साथ अघि बढ्दासम्म सरकारमा कुनै समस्या नहुने उनले बताए ।

राष्ट्रिय स्वाधिनताका साथै देश र जनतालाई हितमा राख्दै सरकारले काम गरिरहेको दाबी गरेका गुरुङले राष्ट्रियता र जनताको मुद्दाण्हरूमा कम्युनिष्टहरू दृढ रहेको धारणा राखे । 

महासचिव गुरुङले नेपालको समृद्धिका लागि आन्तरिक स्रोत साधन नै मुख्य कुरा भए पनि बाह्य पुँजीको पनि भूमिका महत्पवपूर्ण रहेकाले लगानी सम्मेलनले विदेशी पुँजी भित्राउन प्रोत्साहित गरेको बताए ।