site stats
बाह्रखरी :: Baahrakhari
देश
Global Ime bankGlobal Ime bank
राति फोन गरेर डिस्टर्ब गरेको झोकमा बहिनीको हत्या, ९ वर्षपछि प्रहरीको फन्दामा !

काठमाडौं । प्रहरीले ९ वर्षअघि भएको हत्याका अरोपितलाई पक्राउ गरेको छ । उपत्यका अपराध अनुसन्धान कार्यालयको टोलीले २०७१ कार्तिक १ गते हत्या गरिएकी काठाडौंमा कीर्तिपुर तौथलीकी २३ वर्षीया सुनमाया किसान सार्कीको हत्याका अरोपितलाई पक्राउ गरेको हो ।

पक्राउ पर्नेमा म्याग्दीका ४७ वर्षीया समरबहादुर सार्की छन् । उनलाई प्रहरीको टोलीले शनिबार कीर्तिपुरबाट पक्राउ गरेको हो ।  

मृतक सुनमाया हत्याका आरोपित समर सार्कीकी फुपुकी छोरी (बहिनी) हुन् । सुनमायाको हत्यालगत्तै समर भागेर भारत पुगेको अनुसन्धानमा खटिएका कार्यालयकी प्रहरी नायव उपरीक्षक (डीएसपी) सुरक्षा केसीले जानकारी दिइन् ।

पक्राउ परेका समरबहादुरलाई प्रहरीले आइतबार सार्वजनिक गरेको छ । हत्यालगत्तै भारतको पन्जाब पुगेका समरले त्यहीँ इलेक्ट्रिक पसल सञ्चालन गरेको बसेको खुलेको छ ।

राति फोन गरेर डिस्टर्ब गरेको झोकमा हत्या !

मृतक सुनमाया आफ्ना मामा गंगाबहादुर सार्कीसँग काठमाडौं तौथलीस्थित कुष्टरोग आरोग्य आश्रममा बस्दै आएकी थिइन् ।

समरबहादुर काठमाडौं ढुङ्गे अड्डामा ज्यामी काम गर्थे । २०७१ को असोज ३१ मा समर सुनमाया बस्ने आश्रममा पुगे । त्यो दिन सुनमायाका मामा गंगा आश्रम बाहिर थिए । मामा बाहिर भएका कारण राति सुनमाया र समर एउटै कोठामा सुते । राति सुनमायाको मोबाइलमा फोन आयो ।

सुनमायाले फोन उठाइन् । सुनमाया फोनमा कुरा गर्दा फोनको डिस्टर्बका कारण समरको पनि निद्रा खुल्यो । समर सुनमायासँग कराए ।

उनले प्रहरीसँगको बयानमा भनेका छन्, "म काम गरेर थाकेर आएको थिएँ । राति राम्रोसँग सुत्न देऊ, डिस्टर्ब नगर भनेको थिएँ । तर, उल्टै मलाई हँसियाले प्रहार गरी । त्यही विषयमा विवाद हुँदा धकेल्दा खाटको धारमा टाउको लागेर उनी बेहोस भइन् ।"

सुनमाया होसमा नआएपछि आफूले घाँटी थिचेर हत्या गरेको उनको बयान छ । सुनमायाको हत्या पछि उनले शवलाई आश्रमकै शैचालयामा फाले । शव शैचालय फालेर बिहान ८ बजे समरबहादुर काठमाडौं छाडेर भारत भागे ।

लामो समयदेखि अनुसन्धान जारी राखेको प्रहरीले शुक्रबार भने हत्यापछि पहिलोपटक समर काठमाडौं आएको सूचाना पायो । सोही सूचनाका आधामरा उनी शनिबार पक्राउ परेका हुन् ।

पक्राउ परेका समरमाथि प्रहरीले कर्तव्य ज्यान मुद्दामा अनुसन्धान थालेको छ ।

प्रकाशित मिति: आइतबार, वैशाख १६, २०८१  १७:५१
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro