वासिङ्टन । प्यालेस्टाइनको पक्षमा अमेरिकाका कलेजहरूमा जारी विद्यार्थी आन्दोलनका क्रममा अमेरिकाको राष्ट्रपतीय चुनावका लागि उमेदवारी दिएका एकजना पक्राउ परेकी छन् । 

ग्रीन पार्टीका तर्फबाट राष्टपति पदका उमेदवार जिल स्टेन शनिबारको प्रदर्शनका क्रममा पक्राउ परेकी हुन् । उनी सेन्ट लुइस स्थित वासिङ्टन युनिभर्सिटीको प्रदर्शनका क्रममा पक्राउ परेकी हुन् ।उनका प्रवक्ताले पक्राउ पर्नुको अभियोग भने प्रहरीले नखोलेको बताएका छन् ।

गएको सातादेखि अमेरिकामा जारी रहेको विद्यार्थी आन्दोलन अझै रोकिएको छैन । दैनिक रूपमा आन्दोलन चर्किंदै गएको छ ।  शनिबार पनि प्रहरीले दर्जनाँै विद्यार्थीलाई विभिन्न कलेजबाट पक्राउ गरेको जनाइएको छ । सीएनएन