काठमाडौं । चितवनको माडीमा बस दुर्घटना हुँदा १२ जना घाइते भएका छन् । भरतपुरबाट माडीतर्फ जाँदै गरेको ना६ख ९३६६ नम्बरको बस शुक्रबार दिउँसो माडी नगरपालिका–१, वनकट्टामा दुर्घटना भएको हो । घाइते सबैको स्थानीय बघौडा अस्पतालमा उपचार भइरहेको छ ।

बस अनियन्त्रित भइ रुखमा ठोक्किएको प्रहरीले जनाएको छ । बसमा २५ जना सवार रहेको जिल्ला प्रहरी कार्यालयका सूचना अधिकारी रवीन्द्र खनालले जानकारी दिए ।

बस चालक फरार रहेकाले खोजी जारी राखिएको खनालले बताए ।