काठमाडौं । अख्तियार दुरुपयोग अनुसन्धान आयोगले कालीकोटको महावै गाउँपालिकाका तत्कालीन उपाध्यक्षसहित नौजनाविरुद्ध भ्रष्टाचार मुद्दा दायर गरेको छ । बिहीबार विशेष अदालतमा उनीहरूविरुद्ध मुद्दा दायर गरिएको हो ।

महावै–९, सिमखेतदेखि पादमघाटसम्म २० मिटर बाटो निर्माण गर्दा डोजरले खनेको बाटो मानिसले खनेको र कडा चट्टान काटिएको विवरण पेस गरी बढी भुक्तानी लिएको भन्दै अख्तियारले दुई लाख ७६ हजार २७० रुपैयाँ बिगो दाबीसहित उनीहरूविरुद्ध मुद्दा दायर गरेको छ ।

अनुगमन समितिका संयोजक एवं गाउँपालिकाका तत्कालीन उपाध्यक्ष मनराज शाही, निमित्त प्रशासकीय अधिकृत गणेशमान सिंह, महावै–९ का अध्यक्ष गौकला सिंह, इन्जिनियर रुद्रबहादुर वली र सबइन्जिनियर हरिप्रसाद पाण्डेय, उपभोक्ता समितिका अध्यक्ष अकलर सुनार, कोषध्यक्ष जर्मकला काफ्ले र सचिव दधि कामीलाई मुद्दामा प्रतिवादी बनाइएको छ ।