काठमाडौं । कर्तव्य ज्यान मुद्दाका फरार आरोपी १७ वर्षपछि पक्राउ परेका छन् । जिल्ला प्रहरी कार्यालय भोजपुरले बुधबार  पक्राउ गरी अनुसन्धान सुरु गरेको छ । 

२०६३ कार्तिक १४ गते भोजपुर नगरपालिका–१० का ४४ वर्षीय निमा दावा शेर्पा छिमेकी चन्द्रबहादुर तामाङको घरमा झुन्डिएको अवस्थामा फेला परेकी थिइन् । सो घटनाका आरोपी ६० वर्षीय तामाङलाई सुनसरीको धरानबाट पक्राउ गरिएको हो । 

उक्त घटनाका अर्का आरोपित स्थानीय बालकुमार तामाङ भने हाल फरार छन् । उनको खोजी कार्य भइरहेको प्रहरीले जनाएको छ ।