site stats
बाह्रखरी :: Baahrakhari
खेल
Global Ime bankGlobal Ime bank
चेल्सीविरुद्ध बेन ह्वाइट र काइ हाभार्ट्जप्रेरित आर्सनलको सहज जित 

काठमाडौं । बेन ह्वाइट र काइ हाभार्ट्जप्रेरित आर्सनलले इंग्लिस प्रिमियर लिगमा चेल्सीविरुद्ध ५-० को फराकिलो जित निकालेको छ ।

यस सिजन लिभरपुल र म्यानचेस्टर सिटीसँगै उपाधि दौडमा रहेको आर्सनललाई जित दिलाउन बेन ह्वाइट र काइ हाभार्ट्जले समान दुई गोल गरे । लेआन्द्रो ट्रोसार्डले एक गोल थपे । आर्सनलले पहिलो हाफमा एक गोल गर्दा दोस्रो हाफमा चार गोल थपेको थियो ।

खेलको चौथो मिनेटमै ट्रोसार्डले गोल गर्दै आफ्नो टिमलाई अग्रतामा राखे । ह्वाइटले ५२औं मिनेटमा गोल गर्दै टिमको अग्रतालाई २-० को बनाए । हाभार्ट्जले ५७औँ मिनेटमा तेस्रो गोल गरेका हुन् । उनले नै ६५औँ मिनेटमा ब्यक्तिगत दोस्रो तथा टोलीलाई ४-० ले अगाडि बढाएका हुन् । ७०औँ मिनेटमा ह्वाइटले पनि ब्यक्तिगत दोस्रो गोल गरेका थिए । 

जितसँगै ३४ खेलबाट ७७ अंक जोडेको आर्सनल तालिकाको शीर्ष स्थानमा छ । दोस्रो स्थानको लिभरपुलको ३३ खेलबाट ७४ अंक छ । ३२ खेलमा ७३ अंक जोडेको म्यानचेष्टर सिटी तेस्रो स्थानमा छ । यस सिजन स्वभाविक लयका लागि संघर्षरत चेल्सी ३२ खेलबाट ४७ अंकसहित तालिकाको नवौं स्थानमा छ ।
 

प्रकाशित मिति: बुधबार, वैशाख १२, २०८१  ०९:४०
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro