काठमाडौं । गायिका एलिना चौहान विवाह बन्धनमा बाँधिएकी छन् । उनले आज प्रेमी विष्णु सापकोटासँग विवाह गरेकी हुन् ।  केही वर्षदेखिको प्रेम सम्बन्धलाई उनीहरूले विवाहमा रुपान्तरण गरेका हुन् । 

झापाको विर्तामोडस्थित बिर्ता पार्टी प्यालेसमा उनीहरूको विवाह भएको हो । विष्णु बागलुङबाट झापा पुगेर विवाह गरेका हुन् । 

विवाहमा दुई परिवारका सदस्यसहित केही कलाकारको उपस्थित थियो । 

एलिना सांगीतिक क्षेत्रमा पछिल्लो समय रूचाइएकी गायिका हुन् ।  गीतकार समेत रहेका विष्णु भने अस्ट्रेलियामा व्यवसाय गर्दै आएका छन् ।