दाङ । सल्यानमा बस दुर्घटना हुँदा १४ जना घाइते भएका छन् ।  दाङबाट रुकुमका लागि छुटेको यात्रुबहाक बस सल्यानको बागचौर नगरपालिका–२ ठिनबाँङमा दुर्घटना हुँदा १४ जना घाइते भएका हुन् ।

रा १ ख २०८५ नं को बस पुलदेखि तल खस्दा दुर्घटना भएको लुम्बिनी प्रदेश प्रहरी प्रमुख प्रहरी नायव महानिरीक्षक कुवेर कडायतले जानकारी दिए । उनका अनुसार घाइतेमध्ये चारजनाको अवस्था गम्भीर छ ।

नेपाल प्रहरी र स्थानीयले घाइतेको उद्धार गरी थारमारेस्थित अस्पताल तथा जिल्ला अस्पताल सल्यानमा उपचारका लागि लगिरहेका कडायतले जानकारी दिए । उनका अनुसार दुर्घटनाबारे थप विवरण आउन बाँकी छ । रासस