काठमाडौं । ९४ कार्टुन मदिरासहित सुमो गाडी नियन्त्रणमा लिइएको छ । भारततर्फ तस्करी गर्न लागिएको सो मदिरासहितको गाडी सशस्त्र प्रहरी बल, नेपाल प्रस्तावित सीमा गुल्म अलौले नियन्त्रणमा लिएको हो ।

पर्साको वीरगन्ज महानगरपालिका–१७, कोनिया नाकाबाट शनिबार भारतीय नम्बरप्लेटको बीआर१०जे ८२०१ गाडीमा अवैध रूपमा सो मदिरा लैजान लागेको अवस्थामा बरामद गरिएको प्रहरीले जनाएको छ ।

त्यसका चालक भने फरार छन् । नियन्त्रणमा लिइएको मदिरा र गाडी वीरगन्जस्थित भन्सार कार्यालयमा बुझाइएको सशस्त्र प्रहरीका सहायक प्रवक्ता एवं डीएसपी शैलेन्द्र थापाले जानकारी दिए ।