काठमाडौं । सुदूरपश्चिम प्रदेशका प्रमुख नजिर मियाँले प्रदेश सरकार गठनका लागि आह्वान गरेका छन् । उनले संविधानको धारा १६८ (२) अनुरूपको सरकार गठको आह्वान गरेका हुन् । जसअनुसार दुई वा दुईभन्दा बढी दलको बहुम जुटाएर सरकार बनाउन आह्वान भएको छ ।

संविधानको धारा १६८ (५) अनुरूपको सरकार निर्माणमा जाँदा मध्यावधिको जोखिम हुने कानुनविद्को रायका आधारमा प्रमुख मियाँले उपधारा २ अनुरूपको सरकार गठनका लागि आह्वान गरेका हुन् ।

यसअघि नै नेपाली कांग्रेसका कमलबहादुर शाह नेतृत्वको सरकार संविधानको धारा १६८(३) अनुरूप बनेको थियो । मुख्यमन्त्री शाहले राजीनामा दिएपछि मध्यावधिको जोखिम हुने भन्दै प्रदेश प्रमुख मियाँले काुननी परामर्श थालेका थिए ।

दुई दिनसम्मको कानुनी परामर्शपछि उपधारा ३ को सरकारले विश्वासको मत नपाएको नभई राजीनामा भएकाले उपधारा २ मा फर्कन मिल्ने कानुनविद्हरूको राय रहेको थियो । त्यसकै जगमा प्रदेश प्रमुखले फेरि सुरुवातकै प्रक्रियामा सरकार गठनका लागि आह्वान गरेका हुन् ।

प्रदेशसभाको नयाँ निर्वाचनपछि सुरुमा सुदूरपश्चिमा नेकपा (एमाले)का राजेन्द्रसिंह रावलको नेतृत्वमा उपधारा २ अनुसारकै सरकार बनेका थियो । त्यो सरकार ढलेपछि कांग्रेसका शाहले उपधारा ३ अनुसार सबैभन्दा ठूलो दलको हैसियतमा सरकार बनाएका थिए ।