काठमाडौं । चालु आर्थिक वर्षको फागुन महिनामा सबैभन्दा बढी महँगी पहाडमा भएको देखिएको छ ।

नेपाल राष्ट्र बैंकले बिहीबार सार्वजनिक गरेको तथ्यांकानुसार, पहाडमा विन्दुगत उपभोक्ता मुद्रास्फीति ५.४९ प्रतिशत छ । अघिल्लो वर्षको सोही अवधिमा पहाडमा विन्दुगत उपभोक्ता मुद्रास्फीति ६.६७ प्रतिशत थियो । तथ्यांकानुसार, अघिल्लो वर्षको तुलनामा भने घटेको छ ।

यस्तै, काठमाडौं उपत्यकाको वार्षिक विन्दुगत उपभोक्ता मुद्रास्फीति ४.८८ प्रतिशत, तराईको ४.४२ र हिमालको ४.४२ प्रतिशत छ । अघिल्लो वर्षको सोही महिनामा यस्तो मुद्रास्फीति काठमाडौंमा ७.९५, तराईमा ७.५० र हिमालमा ८.०७ प्रतिशत थियो ।