काठमाडौं । चालु आर्थिक वर्षको फागुन मसान्तसम्म मुलुकमा १८ खर्ब ७२ अर्बभन्दा बढी विदेशी मुद्रा सञ्चिति रहेको छ ।

नेपाल राष्ट्र बैंकका अनुसार चालु आर्थिक वर्ष २०८०/०८१ को पछिल्लो आठ महिनामा २१.७ प्रतिशतले विदेशी मुद्रा सञ्चिति बढेको छ ।

गत असार मसान्तमा १५ खर्ब ३९ अर्ब ३६ करोड रहेको विदेशी विनिमय सञ्चिति गत फागुन मसान्तमा १८ खर्ब ७२ अर्ब ८२ करोड पुगेको हो ।

अमेरिकी डलरमा मुद्रा सञ्चिति १४ अर्ब १४ करोड रहेको छ ।

आठ महिनाको आयातलाई आधार मान्दा यो सञ्चितिले १४.८ महिनाको वस्तु र १२.४ महिनाको वस्तु तथा सेवा आयात धान्ने राष्ट्र बैंकले जनाएको छ ।