काठमाडौं । डिजिटल वालेट ‘आइएमई पे’ले अन्तर्राष्ट्रिय हवाई टिकट खरिद गर्ने ग्राहकलाई लक्षित गरी जेट ‘सेटरिवार्ड’ नामक अफर ल्याएको छ । यो  अफरअन्तर्गत आइएमई पे एपमार्फत अन्तर्राष्ट्रिय हवाई टिकट खरिद गर्दा टिकटमा १०० प्रतिशत क्यास ब्याकका साथै अन्य पुरस्कारहरू पनि जित्न सकिने छ ।

यही चैत ६ देखि जेड मसान्तसम्म तीन महिनाका लागि चल्ने सो अफरका तीन भाग्यशाली विजेताको नाम आइएमई पेको सामाजिक सञ्जालमा सार्वजनिक गरिने जानकारी दिइएको छ ।  

यसमा  पहिलो भाग्यशाली विजेताले आफ्नो हवाई टिकट खरिद गरेको रकमको १०० प्रतिशत क्यास ब्याक पाउनेछ ।  दोस्रो विजेताले द लेकसाइड रिट्रिट– पोखराको प्याकेज जित्न सक्नेछ भने तेश्रो विजेताले चन्द्रागिरि हिल्स रिसोर्टको प्याकेज जित्ने मौका पाउनेछ ।

यसको साथै आइएमई पेमार्फत टिकट खरिद गर्ने ग्राहकले हरेक हवाई टिकटमा उच्चतम रिवार्ड पोइन्ट पनि प्राप्त गर्न सक्नेछन् ।