काठमाडौं । नेपाल इन्भेष्टमेन्ट मेगा बैंक लिमिटेडले उदयपुरको घुर्मीमा नयाँ शाखा विस्तार गरेको छ । बैंकले उदयपुरको कटारी नगरपालिका–१४ मा मंगलबारदेखि घुर्मी शाखा सञ्चालनमा ल्याएकोे हो ।

बैंकका कोसी प्रदेश प्रमुख यशपालकुमार तिब्रेवालले नयाँ शाखाको उद्घाटन गरे । नयाँ शाखाबाट उत्कृष्ट बैंकिङ सेवा तथा सुविधा दिने उनले बताए ।
 
मंगलबारदेखिनै नयाँ शाखाबाट सम्पूर्ण बैंकिङ सेवा सुरु भएको छ । हाल बैंकको २७४ शाखा कार्यालय, ६५ वटा एक्सटेन्सन काउन्टर, ७७ वटा शाखारहित बैंकिङ र २६६ वटा एटीएम रहेको छ ।