काठमाडौं । प्रहरीको अन्तर्राष्ट्रिय अपराध संगठन इन्टरपोलको ‘रेड नोटिस’ सूचीमा ६५ नेपाली रहेका छन् ।

नेपाल प्रहरीका प्रवक्ता एवं डीआईजी भीमप्रसाद ढकालले हाल रेड नोटिसमा ६५ र ३४ नेपालीविरुद्ध ‘डिफ्युजन नोटिस’ जारी गरिएको जानकारी दिए ।

रेड नोटिसमा कास्कीको पोखरास्थित सूर्यदर्शन सहकारी संस्थाका मुख्य आरोपित ओखलढुंगाका गितेन्द्रबाबु (जिबी) राईसहित ६५ नेपाली छन् । नेपाल प्रहरीले रेड नोटिस जारी गरिएका १३ जनालाई नेपाल झिकाएको छ ।