काठमाडौं । प्रधामन्त्री पुष्पकमल दाहाल 'प्रचण्ड'ले रुकुम पश्चिमबाट काठमाडौं आउँदै गरेको यात्रुबाहक बस बागलुङमा दुर्घटनामा परेको घटनाप्रति दु:ख व्यक्त गरेका छन् ।

सोमबार बागलुङको निसीखोलामा भएको दुर्घटनामा सात जनाको मृत्यु भएको छ । अन्य २५ जना यात्रु घाइते भएका छन् ।

"दुर्घटनामा ज्यान गुमाउनुहुने सम्पूर्ण यात्रुहरूमा भावपूर्ण श्रद्धाञ्जली अर्पण गर्दै परिवारमा गहिरो समवेदना प्रकट गर्दछु । घाइतेहरूको शीघ्र स्वास्थ्य लाभको कामना गर्दै उद्धार र उपचारलाई प्रभावकारी बनाउन प्रशासन संयन्त्रलाई निर्देशित गर्दछु," उनले भनेका छन् ।

प्रधानमन्त्रीले बारम्बार भइरहेका सवारी दुर्घटनाबाट शिक्षा लिँदै दुर्घटना कम गर्न सकिने उपायसहित आवश्यक योजना निर्माण गर्न सम्बन्धित निकायलाई आग्रह गरेका छन् ।