काठमाडौं । नेपाल प्रिमियर लिग (एनपीएल)को पहिलो खेलमा विराटनगर किंग्स्विरुद्ध जनकपुर बोल्ट्सका ललितनारायण राजवंशीले पहिलो विकेट लिएका छन् ।

शनिबार कीर्तिपुरस्थित त्रिवि क्रिकेट मैदानमा टस हारेर ब्याटिङमा आएको विराटनगरले ओपनर लोकेश बमलाई दोस्रो ओभरको पहिलो बलमा गुमाएको हो । ललितले आफ्नो स्पेलको पहिलो बलमै विकेट लिएका हुन् । योसँगै एनपीएलको इतिहासमै ललित पहिलो विकेट लिने खेलाडीसमेत बनेका छन् ।

आजको खेलमा जनकपुर अनिल साह र विराटनगर सन्दीप लामिछानेको कप्तानीमा मैदान उत्रिएको छ ।