site stats
बाह्रखरी :: Baahrakhari
खेल
Global Ime bankGlobal Ime bank
आर्मीले जित्यो कोसी प्रदेश राष्ट्रिय टी–२० च्याम्पियनसिप

विराटनगर । प्रथम कोसी प्रदेश राष्ट्रिय टी–२० च्याम्पियनसिपको उपाधि त्रिभुवन आर्मी क्लबले जितेको छ । शनिबार विराटनगरमा भएको फाइनल खेलमा कर्णाली प्रदेशलाई नौ विकेटले पराजित गर्दै आर्मीले उपाधि उचालेको हो ।

उपाधिसँगै आर्मीले नगद पाँच लाख रुपैयाँ पुरस्कार प्राप्त गर्‍यो । उपविजेता कर्णालीले तीन लाख पायो ।

कर्णालीले दिएको १११ रनको लक्ष्य आर्मीले १२.२ बलमा एक विकेटको क्षतिमा पूरा गरेको थियो । आर्मीको जितमा तृतराज दासले अविजित ५०, इमरान शेखले ३८, सन्तोष कार्कीले २१ रनको योगदान गरे ।

कर्णालीका दिनेश अधिकारीले एक विकेट लिए ।

यसअघि, टस जितेर ब्याटिङ गरेको कर्णाली प्रदेशले निर्धारित २० ओभरमा सबै विकेट गुमाएर ११० रन बनाएको थियो । कर्णालीका विपीन रावलले २७, कप्तान रवीन्द्र शाही र मनीष थापाले समान २१ र दिनेश अधिकारीले १२ रन जोडे ।

आर्मीका तृतराज दास, वसिर अहमद, सहाब आलम र सुमित श्रेष्ठले समान दुई विकेट लिए ।

‘प्लेयर अफ दी टुर्नामेन्ट’ र ‘प्लेयर अफ दी फाइनल’ आर्मीका अलराउन्डर तृतराज दास घोषित भए । प्रतियोगिताको उदयमान खेलाडी आर्मीकै नितेश पटेल बने ।

गएको फागुन २२ गतेदेखि सुरु प्रतियोगितामा तीन विभागीय र सात प्रदेशको सहभागिता रहेको आयोजक नेपाल क्रिकेट संघ मोरङका अध्यक्ष मोहम्मद साद कुरैसीले जानकारी दिए ।

प्रकाशित मिति: शनिबार, चैत ३, २०८०  २०:१०
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro