काठमाडौं । जीवन बिमा कम्पनी नेपाल लाइफ इन्स्योरेन्सले वि.सं. २०८१ सालको क्यालेन्डर सार्वजनिक गरेको छ । आज कम्पनीको केन्द्रीय कार्यालय कमलादीमा आयोजित एक कार्यक्रम क्यालेन्डर सार्वजनिक गरिएको हो ।

कम्पनीका प्रमुख कार्यकारी अधिकृत (सीईओ) प्रवीण रमण पराजुलीले क्यालेन्डर अनावरण गरे ।

उनले आगामी दिनमा कम्पनीलाई थप सशक्त बनाउनका लागि नवीनतम प्रविधिको अधिकतम प्रयोग गर्दै ग्राहकको सेवाको गुणस्तरीयतालाई थप प्रभावकारी बनाउन कम्पनीले समय सुहाँउदो योजना ल्याउने बताए ।

कम्पनीले देशभर फैलिएका आफ्ना सातवटा प्रादेशिक कार्यालय, एक उपप्रादेशिक कार्यालय र १८५ वटा शाखा तथा उपशाखामार्फत जीवन बिमा सेवा दिँदै आएको  छ ।