काठमाडौं । रौतहटबाट प्रहरीले १५ किलो गाँजासहित एकजनालाई पक्राउ गरेको छ । पक्राउ पर्नेमा रौतहटको चन्द्रपुर नगरपालिका–१ बस्ने ३७ वर्षीय साने भन्ने सन्त तामाङ छन् ।

उनलाई इलाका प्रहरी कार्यालय चन्द्रनिगाहपुरबाट खटिएको प्रहरीले सिन्धुलीबाट पौराईतर्फ जाँदै गर्दा आइतबार साँझ पक्राउ गरेको हो । प्रहरीका अनुसार उनको साथबाट १५ किलो चार सय ग्राम गाँजा बरामद गरेको छ ।

तामाङमाथि प्रहरीले थप अनुसन्धान जारी राखेको छ ।