एडेन । सुडानमा जारी द्वन्द्वका कारण अलपत्र परेका १७७ यमनी नागरिकहरू बिहीबार दक्षिणी यमनको एडेनमा सुरक्षित रूपमा फर्किएका छन् ।

एडेन अन्तर्राष्ट्रिय विमानस्थलका सुरक्षा निर्देशक अब्दुल्ला काइद कारौनले पोर्ट सुडानबाट यमनी एयरलाइन्सको विमानबाट उनीहरू सकुशल यहाँ आइपुगेको बताएका छन् । वृद्धवृद्धा, महिला र बालबालिकासहितको टोलीलाई विमानस्थलमा न्यानो स्वागत गरिएको थियो । यमन सरकार र स्थानीय व्यापारीबाट उनीहरूलाई आर्थिक सहयोग समेत प्रदान गरिएको छ।

सुडानी द्वन्द्वमा परेकाहरूलाई फिर्ता ल्याउने उद्देश्यले गत वर्ष स्वदेश फिर्ता ल्याउने प्रयासस्वरूप सुडानबाट यमेनी नागरिकहरू स्वदेश ल्याउन पहल गरिएको छ ।

सन् २०१४ को अन्तमा सुरु भएको हिंसाबाट शरण लिन सयौँ यमनी परिवारहरू सुडान लगायतका छिमेकी देशहरूमा पलायन भएका छन् ।

यद्यपि सन् २०२३ अप्रिलमा सुडानमा पनि युद्ध सुरु भएपछि शरणार्थीका रूपमा त्यहाँ आश्रय लिन प्रतिकूल वातावरण हुन थालेपछि यमनीहरू स्वदेश फर्किन थालेका छन् । रासस/सिन्ह्वा