काठमाडौं । इजरायलले बुधबार प्यालेस्टिनको गाजापट्टीमा सैन्य अभियानको विस्तार गर्ने घोषणा गरेको छ । यो अभियानमार्फत इजरायलले उक्त क्षेत्रको ठूलो भूभाग कब्जा गरी आफ्नो सुरक्षा क्षेत्रमा समावेश गर्ने र गाजाको जनसंख्यालाई ठूलो परिमाणमा  स्थानान्तरण गर्ने लागेको रोयटर्सले जनाएको छ ।

प्रधानमन्त्री बेन्जामिन नेतन्याहूले आफ्नो सेनाले मोराग एक्सिस नामक क्षेत्र कब्जा गरेको बताए । सो क्षेत्र गाजापट्टीको दक्षिणी सीमाबाट ३– किलोमिटर टाढा रफाह र खान युनिस सहरको बीचमा पर्ने पूर्व इजरायली बस्ती रहेको बताइएको छ । 

“हामी अहिले गाजापट्टीलाई विभाजन गर्दैछौँ । र, चरणबद्धरूपमा दबाब बढाउँदैछौँ । यसले गर्दा हाम्रा बन्धकहरू फिर्ता गर्न उनीहरूलाई बाध्य बनाउनेछ,” एक भिडियो सन्देश जारी गर्दै प्रधानमन्त्री नेतन्याहूले भने ।

नेतन्याहूका अनुसार यो अभियानले रफाह सहरलाई खान युनिस सहरबाट अलग गर्नेछ ।

यसैबीच, इजरायली सेनाले रफाहनजिकैको तेल अल–सुल्तान क्षेत्र घेराबन्दी गरेको र दर्जनौँ विद्रोही मारिएको दाबी गरेको छ । उनीहरूले इजरायली भूभागतर्फ निशाना लगाइएका दुई रकेट र एक रकेट लन्चर पनि फेला पारेको बताएको छ । रोयटर्स