site stats
बाह्रखरी :: Baahrakhari
साहित्य
Nabil BankNabil Bank
सोनाम शेर्पाको हिम्बु विमोचित
Sarbottam CementSarbottam Cement

काठमाडौं । पूर्वी हिमाली जिल्ला सोलुखुम्बुको एउटा गाउँबाट भागेर काठमाडौंमा काम गर्न आएको एक १५ वर्षीय युवकको सफलताको कथा ‘हिम्बु’को एक भव्य समारोहबीच विमोचन भएको छ ।

शेर्पा भाषामा हिम्बुको अर्थ हिउँको छोरा भन्ने हुन्छ । यी हिउँका छोरा हुन् ल्हाक्पा सोनाम शेर्पा । पुस्तक शेर्पाको जीवनी हो । सानैमा बुबा बितेको र आमालाई धेरै सन्तानको बोझले पिरोलेको देखेका सोनाम केही गाउँले दाईहरूको साथ लागेर काठमाडौं आए । 

राजधानीमा बसेर पर्यटकहरूको खाना ओसार्ने र तिनलाई सहयोग गर्ने काम सुरु गरे । विस्तारै पर्यटकका सहयोगी भए, गाइड भए र पर्यटकहरूलाई पदयात्रा गराउने कम्पनीको मालिक बने । 

Prabhu Bank
Agni Group
NIC Asia

पर्यटकहरूलाई थामसेर्कु कम्पनीमार्फत् उत्कृष्ट सेवा दिएर अत्यधिक सफल हुँदै गएका सोनामलाई विकट जिल्लाहरूमा पदयात्री तथा हिमाल आरोही पुर्‍याउन हवाईजहाजको निकै अभाव महसुस भयो । 

नेपाल वायुसेवाका केही ट्विनअटरले उनका ग्राहकलाई चाहेजति सेवा पुर्‍याउन सकेनन् । अनि आयो सोच, जहाज कम्पनी खोल्ने । 

Global Ime bank

एयरलाइन्स त खोल्ने तर जहाज कहाँबाट किन्ने ? कसले ऋण दिने ? उनले केही नेपाली बैंकमा कोसिस गरे तर कसैले सहयोग गर्ने छाँट देखाएन । अनि आफ्ना एक फ्रान्सेली मित्रलाई आफ्नो समस्या बताए । ति मित्रले फ्रान्सबाट आफ्नो नाममा सहजै ३० लाख डलर ऋण उपलब्ध गराए । 

पैसा भए पनि जहाज किन्न सहज थिएन । जहाज किन्न जाँदा बेच्ने व्यक्तिलेसमेत सोनामलाई ग्राहकका रुपमा पत्याउन सकेन ।  तर, दृढ अठोटका धनी शेर्पाले यती एयरवेज खोलेरै छाडे अनि सुरुमा दुईवटा ट्विनअटर विमान पनि ल्याउन सफल भए । 

व्यापारमा दुईभाइ आङ छिरिङ शेर्पा र टेण्डी शेर्पालाई पनि साथै राखेका शेर्पाको व्यवसाय सशक्त ढंगले अघि बढ्यो तर पारिवारिक खुसी हरायो । उनका दाइको पहिल्यै हिमाल आरोहणको क्रममा मृत्यु भएको थियो तर कान्छो भाइ टेण्डीको पनि हेलिकोप्टर दूर्घटनामा मृत्यु भयो । 

दुई दाजुभाइ सोनाम र छिरिङले व्यापार र व्यवसायलाई निकै उचाइमा पु¥याएका थिए । सोनाम र छिरिङको अनुहार पनि मिल्थ्यो र आफूहरू पनि निकै मिल्थे ।  आङ छिरिङको व्यावसायिक खुबीले यतिको व्यवसाय बढेको थियो । तर, उनी पनि लामो समयको पाहुना बन्न सकेनन् । 

२०७५ सालमा पाथीभराबाट हेलिकप्टरमा काठमाडौं आउन लाग्दा दूर्घटना परेर छिरिङको मृत्यु भयो । सोनामका लागि छिरिङको मृत्यु सबैभन्दा त्रासदीपूर्ण भयो । आफूले हजारौं विदेशीलाई ३५ वर्ष लगातार हिमाल आरोहण गराएका सोनामलाई आफू पनि सातै महादेशका सबैभन्दा उँचो हिमाल चढ्ने सोच आयो । 

उनको यो  अभियान २०७२ सालबाट सुरु भयो । पहिलो हिमाल थियो तान्जनिया, अफ्रिकाको  माउण्ट किलिमन्जारो (५८९५ मि.) । 

२०७२ मै उनले रसिया (युरोप)को माउण्ट एलब्रस (५४६२ मी.) तथा अष्ट्रेलिया महादेशको माउण्ट कार्सटेन्ज पिरामिड (४८८४ मि.) चढिसकेका थिए । त्यस्तै २०७३ मा उत्तर अमेरिकाको माउण्ट डेनाली (६१९५ मि.) तथा अन्टार्टिकाको माउण्ट भिन्सन (४८९७ मि.) पनि चढी भ्याएका थिए । त्यतिकैमा भाइको मृत्यु भयो । उनी अलमलमा परे । 

तर, उनले आफ्नो दृढ ईच्छाशक्तिलाई त्यतिकै तिलाञ्जली दिने विचार गरेनन् र २०७८ सालमा अर्जेन्टिना, दक्षिण अमेरिकाको माउण्ट एकन्कागुवा (६९६१ मि.) आरोहण गरे । 

सात महादेशको सातै ठूला हिमाल चढ्न सबैभन्दा गाह्रो नेपालको सगरमाथा नै थियो । छोरा, छोरी र श्रीमतीले निकै रोक्न कोसिस गरेता पनि सबैलाई मनाएर २०७९ सालमा एसिया तथा विश्वकै अग्लो हिमाल सगरमाथा (८८४८.८६ मि.) पनि आरोहण गरी छाडे । 

हिम्बु पुस्तकका लेखक ल्हाक्पा सोनाम शेर्पा आफै हुन् । उनको भावनालाई अक्षराकृत गर्ने कार्य साहित्यकार युवराज नयाँघरेले गरेका हुन् । पुस्तकको विमोचन समारोहमा बोल्दैगर्दा सम्पादक नयाँघरेले शेर्पाको सरल जीवन शैली र थोरै बोलेर धेरै कुरा व्यक्त गर्ने क्षमताका विषयमा चर्चा गरे । 

हिम्बु अर्थात् हिउँको छोरा पुस्तकको विमोचन पनि शेर्पाले एक हिउँकै छोराको बाहुलीबाट गराए । वि.सं. २००९ सालमा तेन्जिंग नोर्गे तथा सर एडमण्ड हिलारीको सफल सगरमाथा आरोहण समूहका सदस्य कान्छा शेर्पाले सो पुस्तकको अनावरण गरे । 

उक्त अवसरमा पुस्तक लेखककी छोरी तथा स्पेनका लागि नेपालकी पूर्व राजदूत दावा फूटी शेर्पाले आफ्नो पिताको परिवारसँगको सम्बन्ध र उनले देखाएको जीवनको गोरेटोको विषयमा चर्चा गरिन् । पुस्तक विमोचन कार्यक्रमको अन्त्यमा टेलिभिजन पत्रकार दिलभुषण पाठकले पुस्तकका लेखक ल्हाक्पा सोनाम शेर्पासँग करिब एक घण्टा अन्तरङ्ग वार्ता गरेका थिए । 
 

NIBLNIBL
प्रकाशित मिति: सोमबार, फागुन १४, २०८०  १४:०४
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC