काठमाडौं । प्रतिकूल मौसमका कारण इन्डिगोको जहाज लखनऊ डाइभर्ट गरिएको छ । काठमाडौंको प्रतिकूल मौसमको कारण बम्बईबाट आएको इन्डिगोको जहाज लखनऊ डाइभर्ट गरिएको विमास्थलका प्रवक्ता सुवास झाले जानकारी दिए ।

यस्तै, अहिले काठमाडौंको आकासमा कतारबाट आएको कतार एयरवेजको जहाजले ओभरसुट गरिरहेको छ ।

प्रतिकूल मौसमका कारण आन्तरिकतर्फका उडान पनि आंशिकरूपमा प्रभावित भएका छन् । चन्द्रगढी र सिमराबाट वायुसेवा कम्पनीकका जहाज काठमाडौं विमानस्थलमा अवतरण हुन नसक्दा डाइभर्ट भएका छन् । यद्यपि, उडान–अवतरण पूर्णरूपमा बन्द भएको छैन ।

काठमाडौंसहित देशका केही स्थानमा बिहीबार हल्का वर्षा भएको मौसम पूर्वानुमान महाशाखाले जानकारी गराएको छ ।

अहिले वाग्मती र गण्डकी प्रदेशमा वर्षा भइरहेको महाशाखाका मौसमविद् शान्ति कँडेलले जानकारी दिइन् । कर्णाली प्रदेशका केही स्थानमा पनि वर्षा भएको उनले बताइन् ।